AzərbaycanРусскийEnglish
12 may 2017-ci il tarixində Bakı olimpiya stadionunda IV İslam həmrəyliyi oyunlarının açılış mərasimi keçirilmişdir. Açılış mərasimində iştirak edən könüllülər arasında İdarəetmə Sistemləri İnstitutunun əməkdaşı Puşnova Valeriya da iştirak etmişdir. Bu mərasimin hazırlanmasında 5 minə yaxın adam, o cümlədən, texniki heyət və bir qrup aktyor, səhnə üzrə mütəxəssislər iştirak etmişdirlər. Valeriya Puşnova "Cast Volonteer" mövqeyinə dəvət olunmuşdur.

Xatırladaq ki, 12-22 may 2017-cı il tarixlərində Azərbaycanın paytaxtı Bakıda "Bakı-2017” IV İslam həmrəyliyi oyunları keçirilir. Oyunlar dörd əsas dəyərlərə arxalanır - "Birlik", "Sülh", "Hörmət", "Mükəmməllik" və "Bizim Gücümüz həmrəylikdir" devizi altında keçirilir. Oyunlarının proqramına 24 müxtəlif idman növləri daxil edilib.
AMEA İdarəetmə Sistemləri Institutunun "Xarici əlaqələr və innovasiya” şöbəsinin müdiri, FET & ICT NCP HORIZON2020, Tofiq Babayev Idealist layihəsinin 10-11 may 2017-ci il tarixində Afinada (Yunanıstanda) keçirilən maliyyə seminarıda iştirak etmişdir. Seminarda layihələrin hazırlanması və idarə olunmasının maliyyə aspektlərini əks etdirən, o cümlədən, kaskad maliyyələşdirilməsi, xərclərin uçotu, xərclərin münasib və qəbuledilməz məsələləri nəzərdən keçirilib.
4 may   2017 –ci il tarixində  Azərbaycan Milli Elmlər  Akademiyasnın Rəyasət Heyyətində İnformatika Texnologiyaları İnstitutunun Viki Mərkəzi tərəfindən təşkil olunmuş iclas keçirildi. Tədbiri giriş sözü ilə AMEA-nın akademik-katibi, İnformasiya Texnologiyaları İnstitutunun direktoru, akademik Rasim Əliquliyev açdı və iştirakçılara Vikipediya işi ilə bağlı tövsiyələr verərək onları bu işdə daha da fəal və aktiv olmağa çağırdı. 
İclasın sonunda Vikipediya üzrə təlim kursunu bitirmiş əməkdaşlara sertifikatlar təqdim edildi. İdarəetmə Sistemləri İnstitutunun bir qrup əməkdaşıları da Vikipediya kurslarını bitirmış və sertifikatla təltif olunmuşlar.
12 may 2017-ci ildə AMEA İdarəetmə Sistemləri İnstitutunun D 01.121 Dissertasiya Şurasının iclası keçirilcək. İclasda  AMEA-nın akademiki T.A. Əliyevın rəhbərliyi ilə Rzayev Asif Hacı oğlunun texnika üzrə elmlər doktoru elmi dərəcəsi almaq üçün 3338.01 – "Sistemli analiz, idarəetmə və informasiyanın işlənməsi" ixtisası üzrə yerinə yetirdiyi "Az debitli quyulardan neftçıxarma proseslərinin küy monitorinq, diaqnostika, idarəetmə texnologiya və sistemləri" mövzusu üzrə dissertasiya işinin müdafiəsi keçiriləcək.
AMEA Rəyasət Heyətinin seçkilərlə bağlı qərarına əsasən elm və ali təhsil müəssisələri tərəfindən AMEA-nın həqiqi üzvlüyünə 29, müxbir üzvlüyünə 143 namizəd irəli sürülmüşdür. AMEA-nın   2 may 2017-ci il tarixli ümumi yığıncağında 16 həqiqi üzv və 26 müxbir üzv seçilmlşdir . Sevindirici haldır ki, müxbir üzv secilmiş alimlərdən 2 ikisi İdarəetmə Sistemləri İnstitutunun əməkdaşlarıdır. 3.1 saylı "Qəzaların monitorinqi və proqnozlaşdırılması” laboratoriyasının müdiri, t.e.d., professor, Sadıqov Əminağa Bəhmən oğlu, 4.1 saylı "Fazi iqtisadiyyat” laboratoriyasının müdiri, i.e.d., professor İmanov Qorxmaz Cahangir oğludur. Hər iki alimi təbrik edirik, onlara möhkəm can sağlığı, gələcək elmi işlərində nailiyyətlər arzulayırıq.
Bu gün AMEA Gənc Alim və Mütəxəssislər Şurasının təşkilatçılığı ilə ümummilli lider Heydər Əliyevin anadan olmasının 94-cü ildönümünə həsr olunmuş Gənc Alim və Mütəxəssislərin IV Futbol Çempionatının 1/4 finalında qalan iki görüş keçirilib. Beləliklə bu iki oyunla Çempionatın yarımfinalına adını yazacaq 4 komandanın hamısının adı məlum olub. Bu mərhələdə Geologiya və Geofizika İnstitutu komandası Radiasiya Problemləri İnstitutunun komandasını 7 -1, Fizika İnstitutu isə Coğrafiya İnstitutunun komandasını 20 - 6 hesabla məğlub edərək, yarımfinala vəsiqəni təmin ediblər.
Bu gün AMEA Gənc Alim və Mütəxəssislər Şurasının təşkilatçılığı ilə ümummilli lider Heydər Əliyevin anadan olmasının 94-cü ildönümünə həsr olunmuş Gənc Alim və Mütəxəssislərin IV Futbol Çempionatının 1/4 finalında iki görüş keçirilib. İlk olaraq Neft Kimya Prosesləri İnstitutu ilə bir araya gələn İdarəetmə Sistemləri İnstitutu rəqib üzərində 4 - 2 hesabla qalib gəlib. İnformasiya Texnologiyaları İnstitutu isə İqtisadiyyat İnstitutunun eyniadlı komandası ilə bacarmayıb. Onlar iqtisadçılara 7 - 0 hesabla məğlub olublar.
26 aprel 2017-ci il tarixində Azərbaycan Respublikası Standartlaşdırma, Metrologiya və Patent üzrə Dövlət Komitəsi Patent və Əmtəə Nişanları Mərkəzi ilə birlikdə Beynəlxalq Əqli Mülkiyyət Günü münasibəti ilə "Azərbaycanda innovasiya potensialı” mövzusuna və "İxtiraçılıq sahəsində nailiyyətlərə görə İV Respublika Müsabiqəsi” qaliblərinin təltif olunmasına həsr olunan konfras keçirmişdir. Konfransda AMEA-nın İdarəetmə Sistemləri İnstitutunun direktoru , akademik T.A.Əliyev, t.e.d., professor Ab.H.Rzayev, "Elmi texniki informasiya və patent tədqiqatları” şöbəsinin rəhbəri, t.ü.f.d., dosent R.Ş.Əsədova və patentşünas K.A.Kəngərlinskaya iştirak etmişlər.
27.04.2017-ci il tarixində AMEA-nın elmi mərkəzi kitabxanasında İdarəetmə Sistemləri İnstitutunun əməkdaşları və Valentin Boqorovun iştirakı ilə Thomson Reuters bazasından istifadə qaydaları ilə bağlı seminar   keçirilmişdir. Seminarda  bazadan istifadə qaydaları, o cümlədən, məqalələrin, jurnalların bazaya yerləşdirəlməsi, axtarış sistemindən istifadə və s. məlumatlar verilmişdir. Sonra Valentin Boqorov seminar iştirakçılarının suallarını ətraflı cavablandırılmışdır.
25 Aprel 2017-ci il İdarəetmə Sistemləri İnstutunda (İSİ-də) FAO-nun Azərbaycanda Əlaqə və Tərəfdaşlıq nümayəndəliyinin rəhbəri xanım Mələk Çaxmaqla görüş keçirilmişdir. Görüşdə qonaq son illər İdarəetmə Sistemləri İnstutunda (İSİ-də) əldə edilmiş elmi-tədqiqat işlərinin nəticələrinin tətbiqi ilə taniş olmuşdur.

M. Çaxmaq İSİ –də yaradılmış "Regionda seysmik proseslərin başlanmasının intellektual seysmo-akustik xəbərdarlıq sistemi lahiyəsi” barədə məlumat almışdır. Bu layihənin nəzəri əsaslarını İSİ-də yaradılmış Robast noise texnologoyaları təşkil edir.