AzərbaycanРусскийEnglish
Rabitə və Yüksək Texnologiyalar nazirinin müavini Elmir Vəlizadənin başçılıq etdiyi Azərbaycan nümayəndə heyəti tərkibində AMEA İSİ "Xarici əlaqələr və innovasiyalar” şöbəsinin müdiri, HDM təşəbbüsləri üzrə əlaqələndirici şəxs Tofiq Babayev 2016-cü il oktyabrın 18-də Brüsseldə (Belçika) keçirilən Rəqəmsal Birlik üzrə Nazirlər Müşavirəsində iştirak etmişdirr.

Rəqəmsal iqtisadiyyat və cəmiyyət məsələləri üzrə AB komissarı Günter Ettinger, qonşuluq siyasəti və genişlənmə üzrə Aİ komissarı Yohannes Han və Azərbaycan, Ermənistan, Belarus, Gürcüstan, Moldova, Ukrayna və Slovakiyanın rəqəmsal iqtisadiyyat üzrə məsul nazirlər rəqəmsal iqtisadiyyat sahəsində əməkdaşlığın dərinləşdirilməsi məsələlərini müzakirə etmişlər. Müşavirədə həmçinin tərəfdaş ölkələrin özəl sektor və vətəndaş cəmiyyətləri nümayəndələri, beynəlxalq maliyyə qurumlarının nümayəndələri iştirak etmişlər.
2016-ci il oktyabrın 17-18-də Brüsseldə (Belçika) Azərbaycan nümayəndə heyəti tərkibində Rabitə və Yüksək Texnologiyalar Nazirliyinin şöbə müdiri İsbəndiyar Əliyev, Dövlət Gömrük Komitəsinin nümayəndəsi Anar Süleymanov, Azərbaycan Milli Elmlər Akademiyasının İdarəetmə Sistemləri İnstitutunun "Xarici əlaqələr və innovasiyalar" şöbəsinin müdiri Tofiq Babayev, Texnoparkın direktor müavini Cəlal Rəhimov olmaqla rəqəmsal bazarların (2nd HDM) harmonizasiyası üzrə 2-ci panelin işində iştirak etmişlər.
14 oktyabr 2016-cı il tarixində AMEA İSİ "Beynəlxalq əlaqələr və innovasiyalar” şöbəsinin elmi işçisi Əliyeva Aygün Əkbər qızının t.e.d., professor Sultanova Rəna Polad qızınin rəhbərliyi ilə AMEA İqdisadiyyat İnstitutunda iqdisadiyyat üzrə fəlsəfə doktoru elmi adı almaq üçün "Azərbaycan sənaye müəssisələrində istehsala xidmətin təşkili” mövzusunda təqdim etdiyi dissertasiya işinin müzakirəsi keçirildi.
10-14 oktyabr 2016-cı ildə Gəncə şəhərində gənclərin beynəlxalq elmi forumu keçirilmişdir. Tədbir Azərbaycanın Milli Elmlər akademiyası və Gəncə İcra hakimiyyəti ilə birgə təşkil edilmişdir və Gəncə şəhərinin "Avropa 2016 Gənclər paytaxtı" seçilməsinə həsr olunmuşdur.

Bu tədbirdə iştirak etmək üçün 25 ölkədən olan gənc alim və ekspertlər tərəfindən 350 bildiriş qəbul olmuşdur. Bildirişlər Tədbirin Elmi təşkilat komitəsi tərəfindən forumun tələblərinə uyğun olaraq yoxlanmış və Belarusiya, Almaniya, Gürcüstan, İraq, İran, Makedoniya, Polşa, Rusiya, Türkiyə, Özbəkistan kimi xarici ölkələrdən və Azərbaycanın müxtəlif regionlarından gənc alimlər müəyyən edilmiş və foruma dəvət edilmişdilər.
13-15 oktyabr 2016-cı il tarixində Türkiyənin Kayseri şəhərində Beynəlxalq aerokosmik AEROEX 2016 sərgi keçirilib. (http://aeroex.org).
AEROEX 2016 sərgisinin əsas məqsədi  aviasiya və kosmik texnologiyalar sahəsində çalışan alimlər, təşkilatlar və şirkətlər arasında yeni  əlaqələr və  əməkdaşlıqların qurulmasıdır. Sərginin əsas mövzuları: aerokosmik materiyallar, avionika, aerokosmik kommunikasiya sistemləri, enerji səmərəliliyi, "yaşıl” texnologiyalar, başlanğic sistemləri,  peyk texnologiyaları, dron yaradma və istifadə texnologiyaları.
07 oktyabr 2016-cı il tarixində Vergilər Nazirliyinin Şamaxı rayonunda yerləşən Tədris Mərkəzində "Vergi sahəsində kadr hazırlığı: problemlər və perspektivlər” mövzusunda dəyirmi masa keçirilmişdir.

Konfransda Vergilər Nazirliyinin Tədris Mərkəzi, Şamaxı rayonu İcra Hakimiyyəti, Azərbaycan Milli Elmlər Akademiyası, AMCHAM, İstehlakçıların Birliyi, Sahibkarların Konfederasiyasi, Azərbaycan Dövlət İqtisadiyyat Universiteti, Milli Aviasiya Akademiyası, "Deloitte”, "Allianz”, "Gənc Mühasiblər” Birliyi, Baki Dövlət Universiteti, Azad İstehlakçılar Birliyinin nümayəndələri iştirak etmişlər.
Fizika İnstitutunda Azad Həmkarlar İttifaqının təşkilatı dəstəyi ilə Azərbaycan Milli Elmlər Akademiyasının (AMEA) institutları arasında 19 sentyabr - 7 oktyabr tarixlərində I Spartakiada keçirilmişdir. İdarəetmə Sistemləri İnstitutunu şahmat üzrə - a.e.i. Əşrəfova Yeganə Ramiz qızı, Cəfərov Marat Xamit oğlu, İdrisova Ülviyyə Cəbrayıl qızı, Məlikov Rasim Ağarza oğlu, dama üzrə - Babayeva Sevinc Tofiq qızı, Baxşiyev Şahin Bulud oğlu ; futbol üzrə- Abdullayev Anar Vagif oğlu, Süleymanlı Bəhram Ədalət oğlu, Cəbiyev Kamil Mütəllib oğlu, Əbilov Emil Vaqif oğlu, Əhmədov Eldost Saləddin oğlu, Musayev Turac Mehrac oğlu, Həsənli Qorxmaz Akif oğlu, Vəliyev Elnur Mütdəlib oğlu, Xudiyev Ziya Nazim oğlu, Fətəliyev Zaur Qəzənfər oğlu müvəffəqiyyətlə təmsil etmişlər.
İSİ-nin "Xarici əlaqələr və İnnovasiya” şöbə müdiri və AB-nin İKT və GQT (Gələcəyin Qabaqcıl Texnologiyaları) üzrə Azərbaycanda Milli təmsilçisi Tofiq Babayev və baş elmi işçi Elxan Səbziyev 26-27 sentyabr 2016-ci il tarixində Slovakiyanın Bratislava şəhərində keçirilən Avropa Komisiyasının HORIZON 2020 elmi-tədqiqat innovasiya çərçivə proqramlarına həsr edilmiş "İCT Proposal Day 2016” tədbirində iştrak etmişlər.
30 sentyabr (Cümə günü) saat 11-də İSİ-nin direktoru akademik  Telman Əliyevın rəhbərliyi ilə Gənc alim və mütəxəssilərin növbəti İclas-seminarı keçiriləcək. Hamının iştirakı vacibdir.
26 sentyabr 2016-cı il tarixində A.Haciyev Hong-Kongun City universitetində təşkil olunmuş seminarda çıxış etmişdir. Seminarda ABŞ-ın Stanford universitetinin professoru Tomas Kaylat və Ç.Vaşington universitetinin professoru N.Singpurwalla iştirak edib çıxış etmişlər. Çıxışlarda tətbiqi statistikanın müasir problemləri və müəlliflərin aldıqları son elmi nəticələr təqdim olunmuş və müzakirə edilmişdir.