“2-ci Qarabağ müharibəsi, yeni nəsil müharibə kimi” mövzusunda onlayn beynәlxalq elmi-praktik konfrans keçirilmişdir
25.10.2021 / Xəbərlər
Azәrbaycan Respublikası Müdafiə Nazirliyinin tәşkilatçılığı ilə Silahlı Qüvvәlәrinin Hәrbi Akademiyasında “2-ci Qarabağ müharibəsi, yeni nəsil müharibə kimi” mövzusunda onlayn beynәlxalq elmi-praktik konfrans keçirilmişdir.
Konfrans Türkiyә Respublikasının Milli Müdafiә Universiteti, Pakistan İslam Respublikasının Milli Müdafiә Universiteti, Bolqarıstanın Q.S.Rakovski Milli Müdafiә Universiteti, Ukraynanın İvan Çernyaxovski adına Milli Müdafiә Universiteti, Polşanın Varmia vә Mazuri Universiteti, eləcə də Rumıniyanın I Karol Milli Müdafiә Universitetinin dəstəyi ilə baş tutmuşdur.
Tədbirdə Azərbaycan Milli Elmlər Akademiyasının İdarəetmə Sistemləri İnstitutu, Azərbaycan Milli Aerokosmik Agentliyi, Azərbaycan Texniki Universiteti, Azərbaycan Dövlət Neft və Sənaye Universiteti, Azərbaycan Respublikası Dövlət Sərhəd Xidməti Akademiyası və Azərbaycan Respublikası Dövlət Təhlükəsizliyi Xidmətinin Heydər Əliyev adına Akademiyasının nümayəndələri də iştirak etmişdir.
Konfransın açılış mərasimində iclasında AMEA İdarəetmə Sistemləri İnstitutunun baş direktoru, akademik Əli Abbasov “Hərbi Texnologiyaların İnkişafında Süni İntellektin Rolu” adlı məruzə ilə çıxış etmişdir. Ə.Abbasov qeyd etmişdir ki, elm və texnologiyaların inkişafında alınan nəticələrin tətbiq sahələri içərisində əsas yeri bütün dövrlərdə hərbi sənaye tutmuşdur. 4-cü sənaye inqilabının əsas istiqamətlərindən biri və bəlkə də birincisi olan süni intellektin yaranması və tətbiqi həmçinin hərbi texnologiyalara istiqamətlənmiş və bu sahədə qabaqcıl ölkələrdə yeni növ silahların yaradılmasında və hərbi əməliyyatların idarə olunmasında müəyyən nailiyyətlər əldə olunmuşdur.
Ə.Abbasov bildirmişdir ki, Süni intellektin(Sİ) hərbi sahədə tətbiqinin əsas istiqaməti pilotsuz uçuş aparatları(PUA) və döyüş robotlarıdır. PUA-lar əsasən zərbə-kəşfiyyat xarakterli olub avtonom, yaxud məsafədən idarə olunaraq ərazinin skan olunması, ərazidəki obyektlərin tanınması, canlılar da daxil olmaqla, hədəflərin seçilməsi və məhv edilməsi, özünümüdafiə, döyüş ərazilərində vəziyyətin dəyişmə xəritəsinin operativ hazırlanması, naviqasiya və operativ mərkəzlə kommunikasiya və s. funksiyaları yerinə yetirirlər.
PUA-lardan bəhs edən Ə.Abbasov Ali Baş komandan cənab İlham Əliyevin rəhbərliyi ilə Azərbaycan Ordusunun ölkəmizin işğal olunmuş əraziləri uğrunda apardığı 44 günlük müharibədə erməni silahlı qüvvələrinin darmadağın edilməsində PUA-ların əhəmiyyətli rolunu da xüsusilə qeyd etmişdir.
Konfransda, həmçinin AMEA-nın müşaviri akademik Telman Əliyev “Intelligent adaptive vibration technology for diagnostics of weapons and military equipment” mövzusunda məruzə ilə çıxış etmiş və bildirmişdir ki, təklif olunan problem hərbi silahların və hərbi texnikanın real vuruş şəraitində diaqnostika probleminə həsr edilmişdir. Bildirib ki, hazırda ən effektiv diaqnostika texnologiyaları əsas vibrasiya texnologiyları vasitəsilə həyata keçirilir, lakin döyüş şəraitində diaqnostikanın adekvatlığını həll etmək üçün iki problemi həll etmək lazımdır.
