İdarəetmə Sistemləri İnstitutunun əməkdaşlarının məqaləsi nüfuzlu jurnalda dərc olunub

27.10.2021 / Конференции, собрания

İdarəetmə Sistemləri İnstitutunun "Tətbiqi ehtimal-statistik metodlar" laboratoriyasının aparıcı elmi işçisiləri r.ü.f.d., dosent Ömərova Könül və r.ü.f.d., dosent İbayev Elşənin həmmüəllifi olduqları "Investigation of fractional order differential equation for boundary functional of a semi-Markov random walk process with negative drift and positive jumps"

adlı məqalə "Chaos, Solitons & Fractals", Q1-index, Impact Factor-5.944 jurnalında dərc olunub. Qeyd edək ki, məqalə AMEA-nın Riyaziyyat və Mexanika İnstitutunun baş elmi işçisi r.e.d., professor Rövşən Bəndəliyevin rəhbərliyi ilə birgə işlənilmişdir.

Məqalədə Mənfi axınlı, müsbət sıçrayışlı semi-Markov dolaşma prosesinin birinci dəfə sıfır ekranına çatma anının paylanmasının Laplas çevirməsi üçün inteqral tənlik alınmışdır. Alınan inteqral tənlik üstlü və Qamma paylanmalar sinfində Weyl mənada kəsr tərtib törəməli diferensial tənliyə gətirilmişdir. Prosesin aşağı sərhıd funksionalının şərti paylanmasının ehtimal xarakteristikaları tapılmışdır.