Günəşsiz havada belə elektrik enerjisi istehsal edən panellər yaradılıb
21.02.2022 /
Qida tullantılarından hazırlanan panel şüşəni əvəz edə və göydələnləri nəhəng elektrik stansiyasına çevirə bilər.
Filippinli Karvi Eren Mayq Günəş şüaları olmadan belə işləyən AuREUS adlı yeni panel düzəldib.
Mapua Universitetinin tələbəsinin düzəltdiyi panel buludun arasından sərbəst şəkildə keçən ultrabənövşəyi şüaları tutmaq qabiliyyətinə malikdir.
Meyvə və tərəvəz tullantılarından əmələ gələn qatrandan limüniset hissəcikləri çıxaran K.Mayq onlardan xüsusi hissə düzəldib. Pəncərəyə yapışdırılan həmin hissə ultrabənövşəyi şüadan enerji istehsal etməyə qadirdir.
Uzunluğu 1 metr, eni 60 santimetr olan paneli sınaqdan keçirən mühəndis iki smartfonu enerji ilə təmin edəcək qədər elektrik enerjisi əldə edib. Həmin hissə istinin təsiri ilə istənilən formanı alır və buna görə də ondan bir çox sahədə istifadə etmək mümkündür.
K.Mayq paneli düzəltmək ideyasını Günəşin şüaları altında rəngini dəyişən qoruyucu eynəkdən aldığını deyib. Onun düzəltdiyi panel yağışlı havada belə elektrik enerjisi hasil etməyə qadirdir.
