Rumıniyada təqaüdlə təhsil almaq istəyənlərin nəzərinə: sənəd qəbulu martın 15-də yekunlaşır
24.02.2022 /
Rumıniya Xarici İşlər Nazirliyinin 2022-2023-cü tədris ili üzrə elan etdiyi təqaüd proqramına sənəd qəbulu aparılır.
Bu barədə Təhsil Nazirliyindən məlumat verilib. Bildirilib ki, təqaüd proqramına martın 15-dək müraciət etmək olar.
Ali təhsilin bakalavriat, magistratura və doktorantura səviyyələri üzrə elan olunan təqaüd proqramı müxtəlif ixtisas istiqamətlərini əhatə edir. Proqram haqqında ətraflı məlumatla Təhsil Nazirliyinin saytında tanış olmaq mümkündür.
