ABŞ alimləri robota müxtəlif vərdişləri öyrədən neyroşəbəkə yaradıblar
19.07.2022 /
ABŞ-ın Kaliforniya Universitetinin alimləri robotlara müxtəlif vərdişləri öyrənməyə kömək edən neyron şəbəkə yaradıblar.
Amerikalı mütəxəssislərin hazırladıqları “Dreamer” adlı neyroşəbəkə ətraf aləmin modelini qurmaq üçün robotun keçmiş təcrübəsindən istifadə edir. O, çox qısa müddət ərzində robotlara yeni bacarıqlar öyrədə bilir.
Məsələn, robota yeriməyi öyrətmək üçün “Dreamer”ə cəmi bir saat vaxt lazım olub.
Mütəxəssislər bildirirlər ki, yeni metodologiya sayəsində avtomobillər yolda hərəkət edərkən yeni şəraitə, məsələn, nasaz mühərriklə hərəkətə davam etməyə uyğunlaşacaq.
