Doktorantlar və gənc tədqiqatçılar infosessiyaya dəvət olunurlar
13.09.2022 /
Azərbaycan Respublikasının Təhsil İnstitutu noyabrın 23-24-də doktorantların və gənc tədqiqatçıların XXV respublika elmi konfransını keçirir.
İnstitutdan bildirilib ki, konfransın keçirilməsində əsas məqsəd doktorantların və gənc tədqiqatçıların apardıqları elmi-tədqiqat işlərinin nəticələrinin müzakirəsini təşkil etmək, habelə onların elmi yaradıcılığını stimullaşdırmaqdır. Təhsil İnstitutu tərəfindən konfransa müraciət qaydalarını ətraflı şəkildə izah etmək və mövcud sualları cavablandırmaq məqsədilə sentyabrın 14-də saat 17:00-da doktorantlar və gənc tədqiqatçılar üçün onlayn infosessiya təşkil olunacaq.
İnfosessiyada iştirak etmək üçün öncədən qeydiyyatdan keçmək vacibdir. Qeydiyyatdan keçmiş şəxslərə infosessiyaya qoşulmaq üçün elektron poçt vasitəsilə sentyabrın 13-dən gec olmayaraq link göndəriləcək.
