Təhsil krediti alan tələbələrin sayı 10 mini keçib
03.11.2022 /
2022-2023-cü tədris ilinin payız semestri üzrə təhsil tələbə krediti üçün müraciətlərin qəbulu prosesi davam edir. Təhsil krediti almaq istəyən tələbələr www.e-ttkf.edu.az üzərindən elektron müraciət edə bilərlər.
Elm və Təhsil Nazirliyindən AZƏRTAC-a bildirilib ki, cari semestr üzrə bu günədək 3312 tələbə kredit almaq hüququ əldə edib.
Onlardan 1168-i sosial, 1796-sı isə standart növ təhsil kreditidir. Bununla da, ümumilikdə 10127 tələbəyə kredit verilib.
Qeyd edək ki, təhsil tələbə krediti verilən zaman girov və ya zaminlik tələb olunmur. Təhsil tələbə krediti uzunmüddətlidir və təhsil müddətində, güzəşt və möhlət dövründə tələbədən kreditin qaytarılması tələb edilməməklə yanaşı, faizlər də hesablanmır.
