Dövlət qulluğunda fəaliyyətin davam etdirilməsi üzrə imtahanın nəticələri açıqlanıb
15.11.2022 /
Dövlət qulluğunda fəaliyyətin davam etdirilməsi (BB altqrupu) üzrə noyabrın 13-də keçirilmiş imtahanın nəticələri açıqlanıb.
Bu barədə Dövlət İmtahan Mərkəzindən məlumat verilib. Namizədlər imtahan nəticələri ilə Mərkəzin saytında tanış ola bilərlər. İştirakçılar imtahan nəticələri haqqında məlumatı mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə də öyrənə bilərlər.
Dövlət qulluğunda fəaliyyətin davam etdirilməsi imtahanında 173 namizəd iştirak edib. İmtahan nəticələrinə əsasən, BB1 altqrupu üzrə 11 nəfər, BB2 altqrupu üzrə 23 nəfər, BB3 altqrupu üzrə 34 nəfər, BB4 altqrupu üzrə 37 nəfər olmaqla, ümumilikdə 105 namizəd tələb olunan şərtləri ödəyərək uğur qazanıb.
Test imtahanından müvəffəqiyyətlə keçən namizədlərə altqruplara daxil olan vəzifələrə uyğun sertifikat veriləcək. Sertifikat 5 il qüvvədə olur.
İmtahan nəticələri ilə bağlı Apellyasiya komissiyası noyabrın 15-17-də saat 14:00-dan 17:00-dək Dövlət İmtahan Mərkəzinin Bakı şəhəri, Nəsimi rayonu, Akademik Həsən Əliyev küçəsi, 299 ünvanında yerləşən binasında fəaliyyət göstərəcək.
