"Word"ə süni intellekt dəstəyi gəlir!

07.02.2023 /

ABŞ-lı bir tərtibatçı tərəfindən istehsal edilən Ghostwriter əlavəsi sayəsində Word-ə süni intellekt dəstəyi gəldi.

Keçən həftələrdə Open AI ilə çox milyon dollarlıq uzunmüddətli ortaqlıq quran Microsoft, bulud xidmətləri və Office proqramlarına süni intellekt dəstəyi gətirəcəyini açıqlayıb . Xüsusilə, Office proqramları üçün süni intellekt dəstəyi, asanlıqla slaydlar hazırlamaq və tez bir zamanda məqalələr yazmaq kimi bir çox işi, hətta ilk sınaq mərhələlərində də uğurla yerinə yetirdi.

Microsoft bu sahədə işləməyə davam edərkən, bir tərtibatçı Word-ə süni intellekt dəstəyi gətirən bir əlavə buraxıb. Bundan əlavə, bu plagin çoxsaylı süni intellekt modellərini dəstəkləyir. Bu modelin yeganə mənfi cəhəti ödənişli olmasıdır.

2019-cu ildə Arizonada yaradılmış kiçik bir şirkət olan Creative Data Solutions tərəfindən yaradılmış Ghostwriter adlı bu Word plagini Word -də bir çox mətn əsaslı süni intellekt modellərindən, xüsusən ChatGPT-dən istifadə etməyə imkan verir. Bununla belə, Ghostwriter əlavəsindən istifadə etmək üçün həm lisenziyalı Office proqramına malik olmalı, həm də Ghostwriter satın almalısınız.

Basic və Pro kimi iki fərqli paketdə təklif olunan Ghostwriter-in əsas versiyasında siz yalnız ChatGPT-dən istifadə edib 2 paraqraf yaza bilərsiniz . Pro paketində DaVinci AI və daha bir çox süni intellekt modellərindən istifadə edərək istənilən uzunluqda mətnlər yaza bilərsiniz.

Plugin-in tərtibatçısı Patrick Hustling bildirib ki, o, Ghostwriter-ın bütün Office proqramlarını əhatə edən versiyası üzərində işləyir və əgər Microsoft yaxın 2 il ərzində öz süni intellekt xidmətini işə salarsa, Ghostwriter Microsoft tərəfindən qadağan edilə bilər . “ Mənim üçün problem yoxdur. Mən sadəcə bu texnologiyanı insanlara təqdim etmək istəyirəm" deyə tərtibatçı qeyd edib.

Qeyd edək ki, onun növbəti layihəsində Excel, Powerpoint, OneNote və Outlook proqramları da olacaq.
facemark.az