Bakıda Beynəlxalq Astronavtika Konqresi keçiriləcək
20.02.2023 /
2023-cü il 2-6 oktyabr tarixlərində Bakıda Beynəlxalq Astronavtika Konqresi keçiriləcək.
Bu haqda AR Rəqəmsal İnkişaf və Nəqliyyat Nazirliyi yanında Kosmik Agentliyin ("Azərkosmos") İdarə Heyətinin sədri Saməddin Əsədov Beynəlxalq Astronavtika Konqresinə dair Azərbaycanın elm və təhsil müəssisələri ilə keçirilən görüşdə bəhs edib.
O, qeyd edib ki, konqres Azərbaycanda kosmik sənayenin inkişafına mühüm töhfə verməklə yanaşı, regionumuza kosmik ekosistemin qurulması və aparıcı qüvvə kimi çıxış etməsinə imkan yaradacaq.
“2-6 oktyabr 2023-cü ildə Bakı şəhərində keçiriləcək konqresdə elm və təhsil sahəsində "Call For Paper" adlı kosmik sahə üzrə elm müsabiqəsi, "Kosmik Liderlər Qrant Proqramı", "Gənc Kosmik Liderlerin Tanınması Proqramı", "Gənc Peşəkarlar Proqramı", "IAF Tələbə Müsabiqəsi, "Malina Astronavtika Medalı va Napolitano Mükafatı" kimi böyük təşəbbüslər həyata keçiriləcək”, - deyə o əlavə edib.
Konqres haqda ətraflı məlumat əldə etmək üçün aşağıdakı linkə keçid edə bilərsiniz:
https://www.iac2023.org/
