Google Search-un veb versiyasında saxta saytları təyin etmək daha rahat olacaq
10.03.2023 /
Google şirkəti öz axtarış servisi olan Google Search-un veb versiyasında iki yeniliyi istifadəyə verib. İstifadəyə verilmiş yeniliklər axtarış nəticələrində daha rahat istiqamətlənməni və saxta saytlardan yan keçməyi təmin edəcələr. Qeyd etmək lazımdır ki, həmin yeniliklər hələ bir neçə müddət bundan öncə Google Search-un mobil versiyasında da istifadəyə verilmişdi.
Beləliklə bundan sonra Google Search-un veb versiyasında axtarış nəticələrinin sol hissəsindəki hər bir bənddə saytın loqosu, yuxarı hissədə isə saytın adı yerləşəcək. Daha əvvəlki versiyada yuxarı hissədə saytın linki yerləşirdi. Bundan əlavə olaraq əvvəlki versiyada sol hissədə bu və ya digər saytın loqosu çox kiçik olurdu və ya ümumiyyətlə mövcud olmurdu. Bu yeniliklər lazımi saytı tez bir zamanda təyin etməyə və onun adı vasitəsilə hansı mövzunu əhatə etdiyini anlamağa imkan verəcəklər. Bundan əlavə olaraq bu yeniliklər özlərini əsl saytlar kimi maskalamağa çalışan saxta saytları təyin etməyə yardımçı olacaqlar.
