“SpaceX” “Starlink” internet peyklərinin 15-ci partiyasını orbitə buraxıb
11.05.2023 /
“SpaceX” ilin əvvəlindən bəri “Starlink” internet peyklərinin sayca 15-ci partiyasını orbitə buraxıb. Bu barədə “SpaceX” şirkəti məlumat yayıb. Bildirilib ki, “Falcon 9” raket daşıyıcısı orbitə 51 “Starlink” peyki çatdırıb.
Qeyd edək ki, “Starlink” şəbəkəsi 260 kq ağırlığında çoxlu sayda cihazları yerləşdirməklə internetə çıxış təmin etmək üçün nəzərdə tutulub. “SpaceX”in hesablamalarına görə, ümumilikdə 11 min peykin orbitə çıxarılması və istismara verilməsi 10 milyard dollara başa gələcək. Şirkət qeyd edib ki, o, 5G standartına uyğun olan saniyədə 1 giqabit sürətlə genişzolaqlı internetə çıxış təmin edə biləcək. “SpaceX” 2019-cu ilin may ayından etibarən təxminən 4400 “Starlink” peykini orbitə çıxarıb.
