ChatGPT işlək çipin yaradılmasında iştirak edib
21.06.2023 /Nyu-York Dövlət Universitetinin mütəxəssisləri təchizat təsviri dilindən (HDL) istifadə etmədən yarımkeçirici çip yarada biliblər. Bu proses çərçivəsində mühəndislər sadəcə ingilis dilindən və süni zəka əsaslı ChatGPT çat-botundan istifadə ediblər. Bunların sayəsində mühəndislər işlək çipi yaratmaqla hazırlayıb və test ediblər. Qeyd etmək lazımdır ki, söhbət, kompüterlərdə və smartfonlarda istifadə edilən prosessordan getmir. Söhbət, mərkəzi prosessorun elementindən gedir. Yəni 8 bit-lik batareyalar əsasında olan komponentdən. Bu cür komponent mərkəzi prosessorun əsas hesablamalarının yekunlaşmasına kimi aralıq hesablamaları özündə saxlayır.
Heç istisna deyil ki, bu üsul vasitəsilə mərkəzi prosessorun digər komponentlərini də hazırlamaq mümkündür. Qeyd etmək lazımdır ki, çiplərin hazırlanması zamanı mühəndislər çipin danışıq dilindəki təsvirini Verilog, SystemC və HDL kimi xüsusi dillərə çevirməlidirlər. Bu xüsusi dillər çipin hazırlanması üçün nəzərdə tutulmuş daxili elementlərin yerləşmələrini, sıxlıqlarını və həndəsi özəlliklərini təsvir edirlər. Nyu-York Dövlət Universitetinin mühəndisləri tərəfindən reallaşdırılmış proses çərçivəsində bütün bu tapşırıqlar ChatGPT-nin öhdəliyinə verilib.
Mühəndislər isə ingilis dilində çat-bota sadəcə olaraq yekun olaraq necə bir məhsulun əldə edilməsini istədiklərini yazıblar. “Təchizatların təsviri dillərinin ən böyük problemi ondan ibarətdir ki, onları çox az adam bilir. Bu məsələdə mütəxəssis olmaq isə çox çətindir. Bu isə o deməkdir ki, bizim ən yaxşı mühəndislərimiz bu dillərdən istifadə edərək hələ də rutin işləri görürlər. Çünki onları əvəz edəcək digər şəxslər yoxdur” - deyə mütəxəssislərdən biri qeyd edib. Onlar bildiriblər ki, aparılmış bu təcrübənin nəticəsi olaraq süni zəka sistemi fiziki çipin hazırlanması üçün nəzərdə tutulmuş təchizat təsviri dilini tərtib edib.