OpenAI şirkətinin süni zəka modelləri xüsusi qrup tərəfindən yoxlanılacaq
20.09.2023 /
OpenAI şirkəti Red Teaming Network adlı proqramı işə saldığını elan edib. Bu, mütəxəssislərdən ibarət qrupdur və o, süni zəka modellərinin qiymətləndirilməsi və potensial risklərinin aşağı salınması ilə məşğul olacaq. OpenAI bildirib ki, sözügedən qrup DALL-E 2 və GPT-4 kimi süni zəka modellərində qərəzli faktorların və süni zəkanın təhlükəsizlik filtrlərini rədd etməsinə imkan verən özəlliklərin axtarılmasında yardımçı olacaq. Şirkət daha öncə bu proseslər üçün kənar sınaqçıları cəlb edirdi. İndi isə şirkət mütəxəssislər ilə müvafiq təşkilatları işə cəlb edəcək. OpenAI həmçinin mütəxəssisləri linqvistika, maliyyə və səhiyyə kimi digər sahələrdə araşdırmaların aparılmasına çağırır.
