Müvafiq qurum Starship-in ikinci uçuş tarixini təsdiqləyib
15.11.2023 /
Bir neçə gün bundan öncə SpaceX şirkəti Starship-in ilk orbital uçuşunun ikinci cəhdi üçün tarix təyin etdi. Şirkət sözügedən missiyanı 17 noyabr tarixində reallaşdırmağı hədəfləyib. Yəni bu həftə. İndi isə məlum olub ki, ABŞ-ın Mülki Aviasiya İdarəetməsi şirkət tərəfindən təyin edilmiş tarixdə uçuş missiyasının reallaşdırılması üçün razılığını verib. Ehtiyat tarixlər qismində isə 18 və 19 noyabr tarixləri çıxış edəcəklər. Qeyd etmək lazımdır ki, Starship-in ilk orbital uçuşunun birinci cəhdindən demək olar 7 ay keçib. Şirkətin birinci cəhdi nəticədə uğursuz olmuşdu. Belə ki, Starship 40 km hündürlükdə idarəsi mümkün olmayan manevrlər etmişdi. Nəticədə şirkət mühəndisləri məcbur şəkildə Starship-i göydə partlatmalı oldular.
