ChatGPT Plus-a yeni istifadəçilərin qeydiyyatı müəyyən müddətlik dayandırılıb
15.11.2023 /
OpenAI şirkəti ChatGPT Plus abunəliyinə yeni istifadəçilərin qeydiyyat prosesini müəyyən müddətlik dayandırıb. Bu məlumatı şirkətin CEO-su Sam Altman təsdiqləyib. Səbəb isə ChatGPT Plus-a son günlərdə tələbatın hədsiz dərəcədə artmasıdır. Bunun nəticəsində servisin serverlərində yüklənmə baş verir. Altman-ın sözlərinə əsasən ChatGPT Plus üçün yeni funksiyaların anonsundan sonra onun istifadəçi kütləsi anidən artmağa başlayıb. Bu isə öz növbəsində OpenAI şirkətinin infrastrukturunun imkanlarının üstündə olub. Şirkət hal hazırda öz infrastrukturunun gücünü artırmaqla məşğuldur. Altman ChatGPT Plus abunəliyinə yeni istifadəçilərin qeydiyyatının nə zaman bərpa olunacağı barəsində məlumat verməyib.
