SpaceX ümumilikdə 300-cü uçuş missiyasını reallaşdırıb
18.01.2024 /
14 yanvar tarixində SpaceX şirkətinin Falcon 9 raketi Yer kürəsinin orbitinə 23 ədəd Starlink peykini çatdırdı. Reallaşdırılmış bu kosmik uçuş missiyası SpaceX şirkətinin 300-cü uğurlu uçuş missiyası oldu. “Falcon 9 raketi 23 ədəd Starlink peykini Yer kürəsinin orbitinə çatdırdı. Bu bizim 300-cü uğurlu uçuş missiyamızdır” - deyə şirkət X-dəki (keçmiş Twitter) hesabında qeyd edib. 14 dekabr tarixində reallaşdırılmış sözügedən uçuş missiyası çərçivəsində Falcon 9 raketinin birinci pilləsi uçuş startından 8 dəqiqə sonra uğurlu şəkildə geri qayıdıb. Qeyd etmək lazımdır ki, SpaceX keçən il ümumilikdə 96 uçuş missiyasını həyata keçirtmişdi. Gözləntilərə əsasən şirkət bu ilin sonuna kimi ümumi uçuş missiyalarının sayını 400-ə çatdıracaq.
