GPT-5 ən qədim dillərdən birini deşifrələmə potensialına sahibdir
20.02.2024 /
Microsoft şirkəti OpenAI tərəfindən yaxın gələcəkdə istifadəyə veriləcək GPT-5 adlı böyük dil modeli barəsində yeni məlumatları təqdim edib. Şirkətin sözlərinə əsasən GPT-5 günümüzdə ən qəliz linqvistik sirlərdən biri olaraq qalan ən qədim dillərdən birini deşifrələyə biləcək. Söhbət, 3000 il bundan öncə Krit adasında yaşamış Minoy adlı qədim sivilizasiyanın istifadə etmiş olduğu xətti A yazı sistemindən gedir. Microsoft təmsilçisinin sözlərinə əsasən hal-hazırda aktual olan GPT-4 bu cür proses üçün o qədər də güclü deyil. Lakin GPT-5 qədim dilin deşifrələnməsi prosesinin öhdəsindən gələ bilər. Məlumatda qeyd edilib ki, bu cür tapşırığın öhdəsindən gəlmək üçün böyük dil modeli xətti A yazı sisteminin incəlikləri ilə yanaşı həmçinin qədim Minoy dünyasının dərin kontekstli biliklərini də bilməlidir.
