Elm və Ali Təhsil üzrə Dövlət Agentliyi və Səudiyyə Ərəbistanı Krallığı Təhsil Nazirliyinin nümayəndə heyəti arasında görüş keçirilib
06.03.2024 /
Martın 6-da Elm və Ali Təhsil üzrə Dövlət Agentliyi və Səudiyyə Ərəbistanı Krallığı Təhsil Nazirliyinin ölkəmizdə səfərdə olan nümayəndə heyəti arasında görüş keçirilib.
Görüşdə iki ölkə arasında elm və ali təhsil sahəsində qarşılıqlı əməkdaşlığın perspektivləri, təqaüd proqramlarının birgə təşkili, tələbə və müəllim mübadiləsi, birgə elmi-tədqiqat imkanları müzakirə edilib.
Qeyd edək ki, heyət 4 mart tarixindən etibarən Azərbaycanda səfərdədir. Səfər çərçivəsində nümayəndə heyətinin bir sıra ali təhsil müəssisələri ilə (Bakı Dövlət Universiteti, İqtisad Universiteti UNEC, ADA University, Xəzər Universiteti / Khazar University və Baki Avrasiya Universiteti) görüşləri təşkil edilib, müvafiq istiqamətlərdə əməkdaşlıq imkanları müzakirə olunub.
