Microsoft, Windows 10-dakı cansıxıcı problemi həll edə bilmədiyini qəbul edib!

+A -A

Microsoft, Windows 10-dakı cansıxıcı problemi həll edə bilmədiyini qəbul edib!

06.05.2024 /

Microsoft həftələr əvvəl buraxılmış Windows 10 KB5034441 yeniləməsindəki problemləri həll edə bilməyəcəyini təsdiqləyib. İstifadəçilər “0x80070643 - ERROR_INSTALL_FAILURE” problemini özləri həll etməli olacaqlar.

Microsoft, yanvar ayında Windows 10 və 11 üçün buraxılmış KB5034441 yeniləməsində fırıldaqaçılara WinRE (Windows Bərpa Mühiti) istifadə edərək BitLocker şifrələməsindən yan keçməyə imkan verə biləcək mühüm zəifliyi düzəltdi. Lakin maraqlısı odur ki, bu yeniləməni quraşdırmağa çalışan Windows 10 istifadəçiləri həftələrdir ki, "0x80070643 - ERROR_INSTALL_FAILURE" xətası ilə qarşılaşırlar. Bu problemə əsaslanaraq, Microsoft, yeniləmə buraxmaqla səhvi düzəldə bilməyəcəyini sakit bir şəkildə təsdiq edib.

Müvafiq Windows 10 KB5034441 yeniləməsini quraşdırarkən rast gəlinən xəta mesajı əslində bərpa bölməsində kifayət qədər yer olmaması ilə əlaqədardır. Bu yeniləmənin uğurla quraşdırılması üçün bərpa bölməsində 250 MB boş yer tələb olunur. Əgər boş yer yoxdursa, yeniləmə uğursuz olacaq. Microsoft şirkəti, gələcək Windows yeniləməsində bu məkanı avtomatik olaraq yaratmayacağını bildirir. Digər tərəfdən, şirkət istifadəçilərdən problemi manual şəkildə həll etmələrini istəyir. Bu manual həll yolu isə "Command Prompt" vasitəsilə həyata keçiriləcək. Bura toxunaraq problemi necə həll edə biləcəyinizi öyrənə bilərsiniz.

Digər tərəfdən, eyni yeniləmə KB5034440 kodlu versiya ilə Windows 11-ə də gəldi. Windows 11 istifadəçiləri də eyni “0x80070643 - ERROR_INSTALL_FAILURE” xətası ilə qarşılaşırlar. Microsoft-un manual həlli Windows 11 istifadəçiləri üçün də tətbiq oluna bilər. Bununla belə, şirkət Windows 11-də yenilənmə ilə problemi həll edib-etməyəcəyi barədə heç nə deməyib.

technote.az