Hal-hazırda bir çox şirkətlər kimi Meta şirkəti də süni zəka texnologiyasının müxtəlif məhsullara inteqrasiya edilməsinə hədəflənib. Ortaya çıxmış yeni məlumata əsasən isə Meta şirkəti kameralara sahib süni zəka əsaslı smart qulaqlıqlar üzərində çalışır. Məlumata əsasən süni zəka vasitəsilə smart qulaqlıqlar öz ətraflarında olan obyektlər barəsində kontekst məlumatları istifadəçiyə təqdim edəcəklər. Bununla yanaşı hazırlanan qulaqlıqlar real zaman ərzində tərcümə imkanına da sahib olacaqlar. Məlumata əsasən Meta-nın kameralara sahib smart qulaqlıqları Camerabuds kod adına sahibdirlər.

     

Məlumatda qeyd edilib ki, onlar real zaman ərzində tərcümə və obyektlərin təyin olunması funksiyalarını təqdim edəcəklər. Şirkətdə hal-hazırda sözügedən qulaqlıqların bir neçə dizaynları nəzərdən keçirilir. Şirkət həmçinin qulaqlıqlara inteqrasiya edilməsi planlaşdırılan kameralar üçün yeni texnologiyanı nəzərdən keçirir. Məlumata əsasən o bunu elektronika istehsalçısı olan Ear Micro şirkəti ilə birlikdə edir. Məlumatda qeyd edilib ki, Meta-nın hazırladığı smart qulaqlıqlarda hal-hazırda qızma problemi yaşanır. Üstəlik istifadəçi saçının kamera baxış bucağına düşməsi problemi də var. Şirkətin kameralara sahib süni zəka əsaslı smart qulaqlıqlarını nə zaman təqdim edəcəyi bilinmir.