Windows 11-in yeni süni intellekt funksiyası, köhnə kompüterdə işə salınıb!
29.05.2024 /
Microsoft, bu yaxınlarda Copilot Plus kompüterləri üçün Recall alətini təqdim etdi. Məlum olub ki, bu süni intellekt funksiyası yeni avadanlıq tələb etmir və hətta köhnə kompüterlərdə də işlədilə bilər.
Albacore adlı bir istifadəçi, Recall-ı Snapdragon 7cx prosessoru və 4 GB RAM ilə kompüterdə işə salmağı bacardıqlarını açıqlayıb. Kompüter 7cx bir ARM çipinə (daxili NPU yoxdur) və yalnız.3.4 GB mövcud yaddaşa sahib olsa da, AI xüsusiyyətini çalışdıra bilib. Microsoft-a görə isə, bu xüsusiyyəti işə sala bilməyiniz üçün minimum 16 GB RAM olan bir kompüterə sahib olmalısınız. Yeri gəlmişkən, funksiyanın çox stabil işlədiyi bildirilib.
Recall, digər tərəfdən, maraqlı, lakin narahatedici bir xüsusiyyət olaraq görülür. Microsoft, bütün əməliyyatların cihazda baş verdiyini və heç bir məlumatın kompüterdən kənara çıxmadığını açıq şəkildə bildirsə də, bir çox istifadəçi Windows 11-in bir neçə dəqiqədən bir ekrandakı hər şeyin skrinşotunu çəkməsinin narahatçılıq doğurduğunu söyləyib. Əlavə olaraq, onu da qeyd edək ki, bu xüsusiyyət, Windows 11 yeniləməsi ilə avtomatik olaraq gəlir.
