NASA-nın yeni kosmik aparatı səsdən 500 dəfə sürətli hərəkət edərək sürət rekordunu qırıb!
15.07.2024 /
NASA-nın Günəşin xarici tacını yaxından tədqiq etmək vəzifəsi daşıyan kosmos gəmisi Parker Solar Probe, bir daha insan tərəfindən yaradılan ən sürətli obyektin rekordunu qırıb.
Parker Solar Probe, iyunun 29-da saatda 635.266 km sürətə çataraq 2018-ci ildəki uçuşundan bu yana 2-ci dəfə bu sürətə çata bilib. Bu sürət, səs sürətinin təxminən 500 qatına bərabərdir. NASA tərəfindən istehsal edilən bu avtomatik zondun, Günəşə ən yaxın keçidini 2025-ci ildə edəcəyi zaman saatda təxminən 692.000 km sürətə çatacağı gözlənilir. Bu sürət, Vaşinqtondan Tokioya 1 dəqiqədən az müddətdə çatmaq üçün kifayət qədər çoxdur.
Bu inanılmaz sürətlərə çatmaq zaman və təcillə bağlıdır. Parker Günəş zondu, Günəş ətrafında fırlandıqca Veneranın orbiti ilə eyniləşir və hərəkət edən planetin cazibə qüvvəsindən istifadə edərək bir növ cazibə qüvvəsi ilə sapand effekti yaradır. Bir sözlə desək, Parker Solar Probe, nə qədər sürətli olsa da, bunu yalnız planetlərin qravitasiya təsirindən istifadə edərək edə bilər. Parker, Günəşin səthi hesab edilən ionlaşmış qaz təbəqəsinin 7.26 milyon kilometrinə yaxınlaşaraq, indiyədək Günəşə 20-ci yaxın keçidini tamamlayıb. Missiyanı tamamlayana qədər onun 6.12 milyon kilometrə qədər yaxınlaşması gözlənilir.
