ChatGPT, istifadəçilərinin sayını açıqlayıb!
02.09.2024 / Конференции, собрания
OpenAI tərəfindən 2022-ci ilin sonunda istifadəyə verilən GPT dəstəkli çatbot, bütün dünyada milyonlarla insan tərəfindən istifadə olunur. Bəs ChatGPT-nin nə qədər istifadəçisi var?
Bilməyənlər üçün qeyd edək ki, ChatGPT, həyatı əhəmiyyətli dərəcədə asanlaşdıran xüsusiyyətlərə sahib bir söhbət botudur. Demək olar ki, ona verilən istənilən suala cavab verə bilən bu alət, həm də söhbət edə biləcəyiniz şəxsi köməkçi kimi də işləyə bilər. Axios-a görə, ChatGPT həftəlik 200 milyon aktiv istifadəçi sayını ötüb. Beləliklə, 1 il əvvəllə müqayisədə istifadəçilərin sayının 2 dəfə artdığını görə bilərik. OpenAI-nin paylaşdığı məlumata görə, bu sürətli artımda Fortune 500 şirkətlərinin də əhəmiyyətli payı var.
Məlumatlara görə, GPT-4o modelinin tətbiqi ilə mobil cihazlarda ChatGPT yükləmələrinin sayında ciddi artım müşahidə olunub. Bu artım, həm də gəlirlərin xeyli artmasına səbəb olub. Digər tərəfdən, Facebook-un sahibi Meta tərəfindən hazırlanan Llama AI da mühüm bir mərhələyə çatıb. O qədər ki, aylıq 400 milyonu və gündəlik 40 milyon aktiv istifadəçini keçib. Buna uyğun olaraq, OpenAI və Meta arasında ciddi rəqabətin olduğunu deyə bilərik.
