Meta süni zəka əsaslı fərdi axtarış sistemini hazırlayır
30.10.2024 /
The Verge saytının vermiş olduğu məlumata əsasən Meta şirkəti artıq 8 aydır ki, süni zəka əsaslı fərdi axtarış sistemi üzərində çalışır. Bu üsul ilə şirkət Google və Microsoft Bing-dən asılılığını azaltmaq istəyir. Süni zəka əsaslı axtarış sistemi öz növbəsində müxtəlif hadisələrin süni zəka vasitəsilə tərtib edilmiş hesabatlarını birbaşa şirkətin tətbiqlərinə inteqrasiya etməyə imkan verə və gələcəkdə xarici axtarış sistemlərini tamamilə əvəz edə bilər. Hal-hazırda Facebook və Instagram-da mövcud hadisələr ilə bağlı sorğuların emalı mövzusunda Meta-nın süni zəka botları Google Search və Microsoft Bing məlumatlarına əsaslanırlar.
Lakin Meta yalnız öz məlumatlar bazasından istifadə edəcək daxili axtarış sistemini işə salmaqla bundan əvvəl qeyd edilmiş praktikanı dayandırmağa hədəflənib. Meta şirkətinin süni zəka əsaslı axtarış sisteminin hazırlanma prosesinin əsas mərhələlərindən biri də fərdi axtarış robotununun inteqrasiyası olub. Axtarış robotu artıq bir neçə aydır ki, internetin açıq mənbələrindən olan məlumatları indeksləyir. Bu öz növbəsində şirkətə geniş fərdi məlumatlar bazasının formalaşdırılması imkanını verir.
Şirkətin işə salacağı axtarış sisteminin əsasını məhz bu məlumatlar bazası təşkil edəcək. Beləliklə Meta xarici platformalardan asılı olmayacaq. Axtarış alqoritmlərinin hazırlanması ilə yanaşı Meta həmçinin geolokasiya məlumatlarının yığılması ilə də məşğul olur. Bu iss perspektivdə şirkətə Google Maps ilə rəqabət aparmağa imkan verəcək. Bir neçə müddət bundan öncə Meta beynəlxaq xəbər agentliyi olan Reuters ilə uzunmüddətli müqavilə bağladı. Reuters ilə əməkdaşlıq öz növbəsində Meta-nın alqoritmlərini yoxlanılmış məlumatlarla təmin edəcək.
