YouTube video müəllifləri üçün nəzərdə tutulmuş yeni funksiyanı test etməyə başlayıb. Test edilən yeni funksiya sayəsində video müəllifləri öz videolarına səsli şərhlər yerləşdirə bilirlər. Bu funksiya hal-hazırda videoservisin ABŞ-dakı bəzi video müəllifləri üçün YouTube-un iOS tətbiqində aktivdir. Bu funksiyanı əldə etmiş video müəllifləri şərh bölməsində səs ikonuna klikləməklə səsli şərhi yerləşdirə bilərlər. Digər istifadəçilər isə səsli şərhə qulaq asa və ya öz istəklərinə uyğun olaraq səsli şərhi mətn formatında oxuya bilərlər. Videorservisin fikrincə səsli şərh funksiyası video müəlliflərinə öz abunəçiləri ilə daha yaxından qarşılıqlı əlaqədə olmağa imkan verəcək. Bununla belə sözügedən funksiyanın gələcəkdə bütün istifadəçilər üçün istifadəyə verilib-verilməyəcəyi bilinmir.