AR Təhsil Nazirliyi, İqtisadiyyat Nazirliyinin dəstəyi və UNEC-in təşkilatçılığı ilə Dövlət müstəqilliyinin bərpasının 30 illiyinə həsr olunan UNEC İqtisadi Forumu 2021 öz işinə başlayıb

02.12.2021 / Конференции, собрания

1 dekabr 2021-ci ildə Gülüstan sarayında təşkil olunan UNEC İqtisad Forumunun açılşında Vətən müharibəsi şəhidlərinin xatirəsi bir dəqiqəlik sükutla yad edilib, Dövlət Himni səsləndirilib.

UNEC-in rektoru, Forumun sədri professor Ədalət Muradov iştirakçıları salamlayaraq, forumun ilk görüşünün dünya şöhrətli alim, Nobel mükafatçısı Aziz Sancarla gənc tədqiqatçıların görüşünə həsr edildiyini bildirib. Rektor Azərbaycanın hərb meydanında əldə etdiyi zəfəri, elm sahəsində də əldə edəcəyini, forumun bu istiqamətdə mühüm töhfələr verəcəyini vurğulayıb.

Forumda çıxış edən Nobel mükafatı laureatı, professor Aziz Sancar yenidən Azərbaycanda olmaqdan məmnunluğunu ifadə edərək, gənc alimlərlə tövsiyələrini bölüşüb, elmi fəaliyyətindən, Nobel mükafatı qazanılması yolundakı çalışmalarından bəhs edib.

Böyük maraqla qarşılanan çıxışdan sonra Aziz Sancar iştirakçıların suallarını cavablandırıb.

Müzakirələrdə AMEA İdarəetmə Sistemləri İnstitutundan (İSİ) AMEA-nın müxbir-üzvü Qorxmaz İmanov, dosent Səyyad Ağayev və i.ü.f.d. Aygün Əliyeva iştirak ediblər.

Forum “Azərbaycanın gələcək inkişaf strategiyası: qlobal trendlər və yerli faktorlar” mövzusuna həsr olunan Panel 1 çıxışları ilə davam edib.

UNEC-in prorektoru Neman Muradlının moderatorluğu ilə keçirilən paneldə Polşanın Kozminiski Universitetinin professoru Qrzeqorz Vitold Kołodko ilə görüş keçirilmişdir.

UNEC-in rektoru professor Ədalət Muradov çxış edərək forumun müxtəlif panellərində üç gün ərzində dünya miqyaslı alimlər və mütəxəssislər tərəfindən ətraflı müzakirələrin aparılacağını diqqətə çatdırıb.

Paneldə AMEA İSİ-nin elmi işçiləri dosent Rəşad Məstəliyev, kiçik elmi işçi Lamiyə Nəcəfova iştirak ediblər.

Qeyd edək ki, forum öz işini növbəti gün davam etdirib.