Sənaye Tətbiqli İdarəetmə və Optimallaşdırma VIII Beynəlxalq konfransı keçiriləcək
24 May 202224-26 avqust 2022-ci il tarixlərində Azərbaycan Respublikası Rəqəmsal İnkişaf və Nəqliyyat Nazirliyinin dəstəyi ilə Sənaye Tətbiqli İdarəetmə və Optimallaşdırma VIII Beynəlxalq konfransı keçiriləcək. Bu konfrans idarəetmə və optimallaşdırma sahəsində dünyanın müxtəlif ölkələrindən olan tədqiqatçılar və praktikantlar üçün müzakirə və fikir mübadiləsi baxımından geniş imkanlar yaradacaq.
Konfransın mövzularına “İdarəetmə nəzəriyyəsi”, “Optimallaşdırma”, “İntellektual sistemlər”, "Fazi idarəetmə”, “Şəbəkə və telekommunikasiya”, “Ədədi və hesablama metodları”, “Riyazi modelləşdirmə və simulyasiya”, “Sənaye və iqtisadiyyatda tətbiqlər”, “İdentifkasiya”, “Fiziki problemlərdə optimallaşdırma prosedurlarının tətbiqi” kimi istiqamətlər daxildir.
Önəmli tarixlər:
Qeydiyyat və referatın təqdim edilməsi üçün son tarix: 01.06.2022
Qəbul haqqında bildiriş: 30.06.2022
Yekun məqalənin təqdim edilməsi üçün son tarix: 30.11.2022
Fəxri konfrans sədrləri
Rəşad Nəbiyev - Azərbaycan Respublikası Rəqəmsal İnkişaf və Nəqliyyat naziri
Elçin Babayev - Bakı Dövlət Universitetinin rektoru
Təşkilatçılar
Fikrət Əliyev - Azərbaycan Milli Elmlər Akademiyasının həqiqi üzvü, Bakı Dövlət Universitetinin Tətbiqi Riyaziyyat Elmi Tədqiqat İnstitutunun direktoru
Əli Abbasov - Azərbaycan Milli Elmlər Akademiyasının həqiqi üzvü, İdarəetmə Sistemləri İnstitutunun baş direktoru
Tamer Başar - Təkmil Araşdırmalar Mərkəzinin direktoru, ABŞ Urbana-Şampeyn İllinoys Universitetində Elektrik və Kompüter Mühəndisliyi kafedrasının professoru
Rövşən Rüstəmov - Azərbaycan Respublikası Rəqəmsal İnkişaf və Nəqliyyat nazirinin müavini
Qeydiyyatdan keçmək və daha ətraflı məlumat əldə etmək üçün konfransın rəsmi veb səhifəsinə keçid edə bilərsiniz:
http://www.coia-conf.org/en/view/index/
e-poçt: [email protected]
ünvan: BDU Tətbiqi Riyaziyyat İnstitutu
Z.Xəlilov küç.23, AZ1148, Bakı, Azərbaycan
telefon: (+994) 12 5391595
-
23.04.2024
İnformasiya Texnologiyaları və Onların Tətbiqi üzrə 2-ci beynəlxalq konfrans (ITTA 2024) keçiriləcək -
18.03.2024
Elmi Şuranın növbəti iclası keçiriləcək -
15.03.2024
ED 1.20 Dissertasiya şurasının iclasında dissertasiya işinin müdafiəsi keçiriləcək -
13.03.2024
Həmkarlar təşkilatının 5 illik hesabat iclası keçiriləcək