3 dekabr 2025-ci il tarixində Qərbi Kaspi Universitetində “Kompüter Elmlərində Yeni Tədqiqat Metodologiyaları və Sənaye-Akademiya Əməkdaşlığının Müasir Modelləri” adlı Beynəlxalq Simpozium keçiriləcək.
Simpoziumun məqsədi kompüter elmlərində müasir tədqiqat metodologiyalarının, innovativ texnoloji həllərin, həmçinin sənaye-akademiya əməkdaşlığının yeni modellərinin müzakirəsi üçün çoxtərəfli elmi platforma yaratmaqdır. Tədbir müxtəlif ölkələrdən olan alimlərin, tədqiqatçıların, sənaye ekspertlərinin və doktorantların bir araya gəlməsini, elmi fikir mübadiləsi aparmasını və gələcək əməkdaşlıqlar üçün dayanıqlı şəbəkələrin qurulmasını hədəfləyir.