"Windows"un yeni versiyasında mühüm funksiyalar təqdim olunacaq

14.01.2026 / Maraqlı məlumatlar

"Windows 11" əməliyyat sisteminin (ƏS) ən son versiyası, "Copilot" neyron şəbəkə köməkçisini deaktiv etmək imkanı da daxil olmaqla, bir sıra mühüm xüsusiyyətləri təqdim edəcək.

Oxu.Az xəbər verir ki, məlumatı "Neowin" yayıb.

26H1 versiyası bu ilin birinci rübündə satışa çıxarılacaq. Yeni platforma bazasında qurulduğu üçün o, 25H1 versiyasından əhəmiyyətli dərəcədə fərqlənəcək.

26H1 versiyası daha çox süni intellekt (Sİ) alətlərinə malik olacaq. O, həmçinin "Word" və "Outlook" arasında məlumatları tez bir zamanda paylaşmaq imkanı təqdim edəcək. Yenilənmiş "Run" (icra et) dialoq pəncərəsi yeni sürətli əmrlər üçün nəzərdə tutulub.

Nəşrin mənbələrinə görə, ƏS, həmçinin "Copilot"u silmək imkanını ilk dəfə təqdim edəcək. Bu xüsusiyyət "Windows 11" üçün korporativ lisenziyaya malik kompüterlərin administratorları üçün əlçatan olacaq.

Yeni ƏS versiyası, əsasən, "Qualcomm Snapdragon X2" prosessoru ilə təchiz olunmuş, süni intellektlə işləyən kompüterlər üçün nəzərdə tutulub.

oxu.az