Alimlər genetika ilə koronavirusdan ölüm halları arasında əlaqə aşkarlayıblar
13.12.2021 / Conferences, assemblies
Yaponiyanın Fizika və Kimyəvi Tədqiqatlar İnstitutunun həkimləri genetika ilə koronavirusdan ölüm halları arasında əlaqə aşkar ediblər.
Tədqiqatçılar yaponların təxminən 60 faizində və avropalıların10-20 faizində rast gəlinən HLA-A24 molekulunu araşdırıblar.
Aydın olub ki, onun tərkibində olan QYI komponenti orqanizmdə yad elementin (virusun) olması barədə immun sistemini xəbərdar edə bilər. Bu da öz növbəsində xəstəliklə daha yaxşı mübarizə aparmağa kömək edir.
Mütəxəssislər hesab edirlər ki, oxşar qorunma üsulu digər koronavirus infeksiyaları zamanı da işləyir. Ekspertlərin fikrincə, bu məlumatlar infeksiyanın yayılmasını və ondan ölüm hallarını azaltmaq üçün COVID-19 üçün dərmanlar, peyvəndlər yaratmaq üçün istifadə edilə bilər.
Araşdırma, həmçinin xərçəng və qan xəstəlikləri üçün tamamilə yeni bir dərman hazırlamağa kömək edə bilər.
