İddiaçıların xarici dil üzrə fəlsəfə doktoru imtahanında iştirak etmələri üçün qeydiyyat müddəti başa çatır
13.12.2021 / Conferences, assemblies
İddiaçıların xarici dil üzrə, həmçinin əcnəbi və vətəndaşlığı olmayan iddiaçıların Azərbaycan dili üzrə fəlsəfə doktoru imtahanında iştirak etmələri üçün qeydiyyat müddəti başa çatır.
Bu barədə Dövlət İmtahan Mərkəzindən məlumat verilib. Bildirilib ki, imtahanlarda iştirak etmək üçün qeydiyyat bu gün saat 23:59-dək davam edəcək.
Bu müddət ərzində Azərbaycan Respublikasının ali təhsil müəssisələrində, elmi müəssisə və təşkilatlarında doktorantura və ya dissertanturada, həmçinin hərbi təhsil müəssisələrində adyunkturada təhsil alan və ya təhsilini bitirmiş iddiaçılar DİM-in internet saytında “Şəxsi kabinet” yaratmalı (kabineti olmayanlar) və xarici dil üzrə, əcnəbilər və vətəndaşlığı olmayan şəxslər isə Azərbaycan dili üzrə fəlsəfə doktoru imtahanında iştirak etmək üçün qeydiyyatdan keçməlidirlər.
Xarici dillər üzrə fəlsəfə doktoru imtahanı dekabrın 19-da, əcnəbilər üçün Azərbaycan dili üzrə fəlsəfə doktoru imtahanının isə dekabrın 20-də keçirilməsi nəzərdə tutulur. Danışıq bloku üzrə imtahanın dekabrın 25-dən etibarən bir neçə gün ərzində keçirilməsi planlaşdırılır.
