NASA astronavtların 2025-ci ilədək Aya eniş edəcəyi yerləri açıqlayıb
23.08.2022 /
ABŞ-ın Milli Aeronavtika və Kosmos İdarəsi (NASA) “Artemis” proqramı çərçivəsində astronavtların 2025-ci ilədək Ayın Cənub Qütbündə eniş edəcəyi 13 yerin siyahısını açıqlayıb.
“Starship HLS” raketinin mümkün eniş yerləri kimi Şeklton kraterinin yaxınlığındakı yüksəklik, Faustini kraterinin kənarı, De Herlax kraterinin iki kənarı, Şeklton və De Herlax kraterlərini birləşdirən dağ silsiləsi və ona bitişik ərazi, Hauort krateri, Nobile kraterinin kənarları, Amudsen kraterinin kənarı, Leybnits Beta platosu, De Derlax-Koher massivi və Malaperta massivi seçilib.
Ümumilikdə astronavtların Ay səthindəki missiyası 6 gün yarıma planlaşdırılıb.
