Alimlər Ayda oksigen boru kəməri çəkməyi təklif edirlər
24.01.2023 /
NASA mühəndisləri maraqlı layihə hazırlayıblar. Onlar Ayda oksigen boru kəməri çəkməyi təklif ediblər.
Elm adamları Yerin təbii peykində gələcək koloniyanı həyat verən qazla təmin etmək üçün belə bir ideya ilə çıxış ediblər.
Layihəyə əsasən, boru xətti Ayda böyük su buzu ehtiyatlarının aşkar olunduğu Cənub qütbündən çəkiləcək.
Oksigenin elektrolizdən istifadə etməklə istehsalı planlaşdırılır. Belə ki, elektrik cərəyanı sudan keçərək onu hidrogen və oksigenə parçalayacaq.
Layihə uzunluğu 5 kilometrə qədər olan boru kəmərinin tikintisini nəzərdə tutur.
