Yakutiyada yoxa çıxan gölün altında nəhəng buz tuneli aşkarlandı
13.02.2023 /
Rusiya Elmlər Akademiyasının Sibir bölməsinin alimləri Yakutiyanın Tattinski rayonunda güclü şaxtada yoxa çıxan gölün altında buz tuneli aşkar ediblər.
Onlar Çerkex kəndindən 20 kilometr aralıda yerləşən gölün yoxa çıxmasının səbəblərini araşdırırlar.
Aşkar olunan tunelin hündürlüyü 5-6 metr, uzunluğu isə 20 metrdir.
Alimlərin fikrincə, gölün dayazlaşması havanın temperaturunun artması ilə bağlı aşağı buz qatının əriməsi səbəbindən baş verib. Aşkar edilmiş tunel vasitəsilə su yaxınlıqdakı digər su hövzəsinə axıb.
