James Webb kosmik teleskopu supernovaya çevrilmə prosesində olan ulduzun fotosunu çəkib
17.03.2023 /
NASA WR 124 adlı ulduzun James Webb kosmik teleskopu tərəfindən çəkilmiş fotosunu sərgiləyib. Sözügedən ulduz Oxatan bürcündə Yer kürəsindən 15 000 işıq ili uzaqlığında yerləşir. Fotosu çəkilmiş bu ulduzun maraqlı tərəfi ondan ibarətdir ki, o, supernova olma prosesindədir. Sözügedən ulduzun ilk fotosu hələ 2022-ci ilin iyun ayında əldə edilmişdi. Supernovaya çevrilmə prosesində olan ulduzlar gecə səmasında ən böyük və parlaq ulduzlar olurlar. Proses sonunda bu cür ulduzlar supernova partlayışı hadisəsini yaşayırlar. Alimlərin hesablamalarına əsasən WR 124-ün kütləsi Günəşin kütləsindən 30 dəfə böyükdür.
