Windows 11 bir neçə monitorda çalışmanı daha effektiv edəcək
02.08.2023 /
Windows 11-in test versiyasında yeni faydalı funksiya aşkar edilib. Aşkar edilmiş yeni funksiya qoşulu olan bir neçə monitorun ayrı-ayrılıqda təsvir yenilənməsinin tənzim olunması imkanını verir. Sözügedən yeni funksiya bu prinsip üzrə çalışır. Ekranda əks olunan kontentin növündən asılı olaraq sistem monitorun təsvir yenilənməsini avtomatik şəkildə ayarlayır.
Məsələn əgər istifadə edilən iki monitordan birində kompüterin yüklənməsi üzrə məlumatlar əks olunursa həmin monitor 60 Hz-lik təsvir yenilənməsinə sahib olacaq. Kompüter oyununun işə salındığı monitor isə bu halda maksimal 144 Hz-lik təsvir yenilənməsini əldə edəcək. Təbii ki, hər şey bu və ya digər monitorun hansı göstəricidə təsvir yenilənməsini dəstəkləməsindən asılı olacaq. Məlumata əsasən bu funksiya kompüterin sistem resurslarına və enerji sərfiyyatına qənaət üçün hazırlanıb. Onun stabil Windows 11-də nə zaman istifadəyə veriləcəyi bilinmir.
