Elm və Ali Təhsil üzrə Dövlət Agentliyi “Scopus” və “ScienceDirect” elmmetrik bazalarından istifadənin daha səmərəli təşkili məqsədilə təlimlər təşkil edib
23.10.2023 /
Elm və Ali Təhsil üzrə Dövlət Agentliyinin təşkilatçılığı və Azərbaycan Dövlət İqtisad Universitetinin ev sahibliyi ilə ETN və QS Agentliyi arasında icrası davam edən layihənin iştirakçısı olan 6 ali təhsil müəssisəsi (ATM) və müvafiq ATM-lərlə affiliasiya olunan elmi-tədqiqat institutlarının nümayəndələri (analitiklər, kitabxanaçılar, beynəlxalq əlaqələr üzrə əməkdaşlar, elmi fəaliyyət üzrə məsul şəxslər və s.) üçün “Scopus” və “ScienceDirect” elmmetrik bazalarından istifadənin daha səmərəli təşkili, tədqiqat səriştələrinin təkmilləşdirilməsi və tədqiqat mədəniyyətinin formalaşdırılması məqsədilə təlimlər təşkil edilib.
“Elsevier” şirkəti tərəfindən “Özünü qiymətləndirmə, hədəf müəyyən etmə və uzun müddətli planlaşdırma”, “Data əsaslı qərar qəbuletmə”, “Tədqiqat infrastrukturunun inkişafı üçün potensialın yaradılması”, “Akademik heyət və tədqiqatçılar üçün baza kompetensiyalar” kimi mövzularda 5 gün davam edən təlimlərdə qeyd olunan mövzular ətrafında müzakirələr aparılmış və iştirakçıların sualları cavablandırılıb.
Sonda təlim iştirakçılarına sertifikatlar təqdim olunub.
Elm və Təhsil Nazirliyinin təşəbbüsü ilə cari ilin 14 iyun tarixində bütün ali təhsil müəssisələri və elmi-tədqiqat institutları üçün “Scopus”a çıxış imkanının təmin edilməsi məqsədi ilə “Elsevier” şirkəti ilə müqavilə imzalanıb.
Qeyd edək ki, təlimlərdə AR Elm və Təhsil Nazirliyi İdarəetmə Sistemləri İnstitutunun (İSİ) əməkdaşları iştirak edərək sertifikata layiq görülülblər.
