Meta şirkəti süni zəka tərəfindən tərtib edilmiş fotoların öz servislərində təyin edilməsi funksionalının genişləndiriləcəyini elan edib. Müvafiq yenilik şirkətin Facebook, Instagram və Threads platformalarında işə salınacaq. Hal-hazırda Meta-nın servisləri yalnız şirkətin süni zəka alətləri tərəfindən tərtib edilmiş kontentləri xüsusi işarə ilə işarələyirlər.

     

Lakin yaxın zamanda şirkətin servislərində həmçinin Google, Microsoft, Adobe, OpenAI, Midjourney və Shutterstock-un süni zəka alətləri tərəfindən tərtib edilmiş kontentləri də xüsusi işarə ilə işarələyəcəklər. Meta rəhbərliyinin sözlərinə əsasən bunun reallaşdırılması üçün bir neçə ay vaxt lazım olacaq. Belə ki, bu imkanın reallaşdırılması yolunda süni zəka tərəfindən tərtib edilən kontentlərin markerlənməsi üçün sənaye standartları digər texnoloji şirkətlər ilə birgə hazırlanmalıdır. Üstəlik Meta şirkəti xüsusi işarələrə sahib olmayan sintetik fotoların təyini sistemi üzərində də çalışır.