OpenAI şirkətinin bazar dəyəri 80 milyard dollara yüksələcək
22.02.2024 /
Microsoft tərəfindən aktiv şəkildə dəstəklənən OpenAI şirkəti səhmlərin satışı üzrə müqavilənin bağlanması prosesini yekunlaşdırıb. Bunun sayəsində şirkətin bazar dəyəri 80 milyard dollara yüksələcək. Qeyd etmək lazımdır ki, söhbət, şirkət səhmlərinin birjada satılmasından getmir. Söhbət, şirkət əməkdaşlarının sahib olduqları səhmlərin satışlarından gedir. Şirkət bu üsul ilə səhmlərini Thrive Capital adlı vençur şirkət tərəfindən rəhbərlik edilən tender təklifi çərçivəsində satacaq. Şirkət əməkdaşları sahib olduqları səhmləri nağd pula çevirə biləcəklər. Qeyd etmək lazımdır ki, bu müqavilənin reallaşdırılması üçün danışıqlar 2023-cü ilin əvvəlindən gedirdi. İndi isə şirkət onu reallaşdıracaq və öz bazar dəyərini yüksəldə biləcək.
