Windows 11 kompüterin yenidən işə salınmasına ehtiyac duymadan yenilənə biləcək
27.02.2024 /
Heç kim üçün sirr deyil ki, Windows üçün nəzərdə tutulmuş böyük yenilənmələrin əksəriyyəti kompüterin yenidən işə salınmasını tələb edirlər. Lakin bəzən bu cür yenilənmələrin sonunda kompüterin yenidən işə salınmasında bəzi problemlər yaşanır. Yaxın zamanda isə bu cür problemlər aradan qaldırılmalıdır. Məsələ burasındadır ki, Windows 11 yaxın zamanda kompüterin yenidən işə salınması prosesini ehtiyac duymadan yenilənə biləcək. İnsayderlər əməliyyat sisteminin test versiyasında bununla bağlı olan maraqlı yeniliyi aşkar ediblər.
Belə ki, əməliyyat sisteminin test versiyasında yenilənmələrin quraşdırılmasına hədəflənmiş Hotpatch adlı yeni üsul aşkar edilib. Bu yenilik sayəsində təhlükəsizlik yenilənmələri əməliyyat sisteminə kompüterin yenidən işə salınmasına ehtiyac duymadan quraşdırılmalıdır. Buna bənzər üsul artıq Windows Server 2022-də tətbiq edilir. Məlumata əsasən bu yeni üsul bu il ərzində istifadəyə veriləcək Windows 11 24H2 yenilənməsi çərçivəsində aktivləşdiriləcək. Lakin funksiyanın ARM prosessorlar vasitəsilə çalışan kompüterlərdə 2025-ci ilə qədər aktiv olmayacağı ehtimalı var.
