Windows 11 faylların arxivləşdirilməsi funksiyasını əldə edəcək
30.04.2024 /
Windows 11 artıq bir neçə növ arxivi açmaq imkanına sahibdir. Bununla yanaşı əməliyyat sistemi arxivlərin yaradılması imkanından məhrumdur. Lakin bu vəziyyət yaxın zamanda dəyişə bilər. Belə ki, insayderlərin vermiş olduqları məlumata əsasən Windows 11 iki məşhur arxivləşdirmə formatının dəstəyini əldə edəcək. Bununla da əməliyyat sistemi üçün nəzərdə tutulmuş ənənəvi arxivatorlar lazımsız hala gələcəklər.
Məlumata əsasən .7z və .TAR arxivləşdirmə formatlarının dəstəkləri yaxın zamanda Windows 11-in 22H2 və 23H2 versiyalarına əlavə ediləcək. Faylların qeyd edilmiş formatlarda arxivləşdirilməsi funksiyası əməliyyat sisteminin ənənəvi kontekst menyusuna əlavə ediləcək. Qeyd etmək lazımdır ki, sözügedəın funksiya artıq Windows 11-in 22635.3566 nömrəli beta versiyasında aktivdir. Bununla yanaşı istifadəçilər yeni funksiya çərçivəsində arxivləşdirmə ayarlarını da seçə biləcəklər. Buna misal olaraq arxivləşdirmə formatının, alqoritminin və faylın sıxılma səviyyəsinin seçilməsini gətirmək olar.
