Google, süni intellekt dəstəkli reklamlar göstərməyə başlayıb!

+A -A

Google, süni intellekt dəstəkli reklamlar göstərməyə başlayıb!

23.05.2024 /

Google, yeni süni intellektlə dəstəklənən reklam göstərmə xüsusiyyəti ilə axtarış nəticələrinizdə müvafiq reklamlar yerləşdirməyə başlayıb.

Google, artıq axtarış nəticələrində yazılı və ya vizual reklamlar göstərəcək. Məsələn, "uşaqlar üçün kürək çantası" üçün axtarış etdiyiniz zaman sizə lazım ola biləcək çantanın şəklini əldə edə və ya "Uşaqlar üçün ən yaxşı çantanı seçin!" kimi mətn şəklində reklamlar görünməyə başlayacaq. Google-a görə, bu yeni funksiya istifadəçilərə daha sadə və effektiv axtarış təcrübəsi təqdim edir, eyni zamanda reklamçılar üçün böyük imkanlar təqdim edir. Google-un süni intellektlə dəstəklənən yeni nəsil axtarış sistemi, istifadəçilərin axtarışlarına danışıq tərzində cavab verəcək və müvafiq internet saytlarını göstərəcək. Bu, reklamçıların istehlakçılara çatma üsulunu kökündən dəyişə bilər.

Google, həmçinin reklam yaratma prosesində brendlərə kömək edəcək yeni chatbot-unu da təqdim edib. Reklamçılar vebsaytlara daxil olaraq başlıq təklifləri, açar sözlər və şəkillər əldə edə biləcəklər. Bu alət, istifadəçi sorğuları əsasında avtomatik olaraq reklam yarada biləcək. Məsələn, "quru və həssas dəri məhsulları" axtaran istifadəçi üçün "Quru və həssas dərinizi sakitləşdirin!" adlı reklam yaradıla bilər.

Microsoft, artıq oxşar yanaşmanı tətbiq edib və Bing axtarış sisteminə süni intellektlə dəstəklənən reklamlar əlavə etməyə başlayıb. Deyə bilərik ki, iki texnologiya nəhəngləri arasındakı reklam yarışı, axtarış motorlarının necə inkişaf edəcəyi və reklamçıların istehlakçılara necə çatacağı baxımından yeni bir dövr başlada bilər.

technote.az