SpaceX ilk dəfə bir raketi havada yaxalayaraq adını tarixə yazdırıb!
15.10.2024 /
Kosmik texnologiyalar sektorunda Elon Musk fırtınası əsməyə davam edir. Mechazilla adlanan 2 mexaniki qol, Yerə geri dönən 1200 tonluq gücləndirici raketi havada tutmağı bacarıb.
Yenidən istifadə oluna bilən raketlər ilə kosmik sənayedə inqilab edən Elon Musk-ın şirkəti SpaceX, yenidən tarixə keçməyi bacarıb. İllər əvvəl Elon Musk-ın xəyal kimi paylaşdığı raketi tutma planı gerçəyə çevrilib. Nəhəng Starship raketinin 5-ci buraxılış sınağında, Super Heavy gücləndirici raket, Starship raketini uğurla atmosferə çıxarıb. Buraxılışdan sonra Yerə qayıdan Super Heavy raketi, Mechazilla adlanan 2 mexaniki qol tərəfindən havada uğurla yaxalanıb.
Starship raketi isə təxminən 1 saat sonra Hind Okeanına uğurla eniş edib. SpaceX, buraxılışın hədəfinin Super Heavy gücləndiricisini tutmaq və Starship-in Hind Okeanına enişini təmin etmək olduğunu açıqlamışdı.
Starship layihəsi, Elon Musk-ın Marsa insanlı səfər arzusunu reallaşdırmaq yolunda vacib bir mərhələ hesab olunur. Bu layihə, yalnız ticari buraxılışlar üçün deyil, NASA-nın Artemis missiyasında da önəmli rol oynayacaq.
