Microsoft-un CEO-su Satya Nadella, bu xərclərin şirkətin süni zəka və bulud məhsullarına olan tələbatı ödəmək zərurətindən irəli gəldiyini bildirib. "Süni zəka getdikcə daha effektiv və əlçatan olduqca, ona olan tələbat həndəsi sürətlə artacaq" – deyə Nadella 2024-cü ilin dördüncü rübünün yekunlarına dair çıxışında qeyd edib. Yeni yaradılmış APU şöbəsi Microsoft AI rəhbəri Mustafa Sueyman-a tabe olacaq. APU əməkdaşlarının əsas vəzifələrindən biri "aparıcı tədqiqatların" nəticələrini birləşdirərək gələcək süni zəkanın mümkün təsir ssenarilərini öyrənmək və formalaşdırmaqdır.

     

Şöbənin vəzifələrinə süni zəka məhsulları üçün tövsiyələrin hazırlanması, onların istifadəyə verilməsinin mümkün nəticələrinin proqnozlaşdırılması, eləcə də süni zəkanın təsirini daha yaxşı anlamaq üçün tədbirlər proqramı, elmi nəşrlər və digər hesabatların tərtib edilməsi daxildir. APU-nun bəzi üzvləri məhsul menecerləri və Microsoft rəhbərliyinin iştirakı ilə brifinqlərin keçirilməsinə cavabdeh olacaq, digərləri isə konfransların təşkilinə və kommunikasiya üçün sənədlərin hazırlanmasına məsul olacaqlar. Bütün əməkdaşlar Microsoft AI şöbəsinin Silikon Vadisi və Londondakı ofislərində çalışacaqlar. Mustafa Suleyman yaxınlarda X sosial şəbəkəsində APU-ya iqtisadçılar, psixoloqlar - "və yalnız onlar deyil" - lazım olduğunu qeyd edib.