Macarıstan gənc tədqiqatçı və yeni məzunlar üçün təqaüd proqramı elan edir
06.02.2025 /
Macarıstan Beynəlxalq Münasibətlər İnstitutu (HIIA) beynəlxalq münasibətlər sahəsində çalışan gənc tədqiqatçılar və yeni məzunlar üçün “Gələcək Liderlər Proqramı” çərçivəsində tədqiqat təqaüd proqramı elan edir.
"Azərbaycan müəllimi" xəbər verir ki, təqaüd proqramı 31 mart – 30 iyun 2025-ci il tarixlərini əhatə edir. Son müraciət tarixi isə 10 fevral 2025-ci il müəyyən edilib.
Proqrama beynəlxalq əlaqələr, tarix, beynəlxalq tədqiqatlar və xarici siyasətə marağı olan yeni məzunlar (minimum bakalavr dərəcəsi) və 30 yaşadək gənc tədqiqatçılar müraciət edə bilərlər.
Proqram çərçivəsində gediş-dönüş bileti HIIA tərəfindən qarşılanır.
Yaşayış xərcləri üçün aylıq 200 000 HUF (təxminən 480 avro) təmin edilir.
Azərbaycan Respublikası vətəndaşları proqramda iştirak etmək üçün bu keçidə daxil olaraq onlayn ərizə formasını doldurmalı və tələb olunan sənədləri elektron sistemə yükləməlidirlər.
Təqaüd proqramı barədə ətraflı məlumatı keçiddən əldə etməyiniz mümkündür.
