15-17 may 2024-cü il tarixlərində Bakı şəhərində Şərq-Qərb Nəqliyyat Dəhlizində Logistika, İdarəetmə və İstismar Problemləri üzrə 3-cü beynəlxalq konfrans (PLMO 2024) keçiriləcək.

Konfransın təşkilatçıları:

- Azərbaycan Respublikası Elm və Təhsil Nazirliyinin İdarəetmə Sistemləri İnstitutu

- Sileziya Texnologiya Universiteti (Polşa)

- Çin Elmlər Akademiyasının Aerokosmik İnformasiya Tədqiqatları İnstitutu

- Ege Universiteti (Türkiyə)

- Gürcüstan Texniki Universiteti

- Daşkənd Dövlət Nəqliyyat Universiteti (Özbəkistan)

- V.M. Qluşkov adına Kibernetika İnstitutu (Ukrayna)

- Riyaziyyat və Kompüter Elmləri İnstitutu (Moldova)

- İnformasiya və Hesablama Texnologiyaları İnstitutu (Qazaxıstan)

- Şamaxı Astrofizika Rəsədxanası

- IEEE

Tədbirdə Polşa, İtaliya, Gürcüstan, Almaniya, Ukrayna, Rumıniya, Litva, Bolqarıstan, Özbəkistan, Qazaxıstan və digər ölkələrin aparıcı alimlərinin iştirakı gözlənilir.

Şərq-Qərb nəqliyyat dəhlizi keçmiş İpək Yolunun ayrılmaz hissəsi olub, regional iqtisadi əməkdaşlıq üçün yeni mexanizmlərin inkişafını tələb edən təşəbbüsdür. Üzv ölkələr arasında iqtisadi inkişafı, mədəni mübadiləni və kommunikasiyanı gücləndirir. “Bir kəmər - bir yol” konsepsiyasının ayrılmaz hissəsi olan Şərq-Qərb Dəhlizi ticarət yollarını, nəqliyyat və iqtisadi dəhlizlərini təkmilləşdirmək və yeni ticarət yolları yaratmaq məqsədi daşıyır. Şərq - Qərb Nəqliyyat Dəhlizi eyni zamanda, Avropa ilə Çini birləşdirən ən qısa ticarət yolu hesab olunur.

Konfransın əsas məqsədi elmi tədqiqat müəssisələri, universitetlər, beynəlxalq təşkilatlar, dövlət və özəl sektorlardan olan nümayəndələri bir araya gətirib Şərq - Qərb Nəqliyyat Dəhlizi ilə yüklərin  daşınması üçün təchizat zəncirində olan elmi və praktiki problemləri müzakirə etməkdir.

Konfransın işçi dili - ingilis dili

Ətraflı məlumat üçün aşağıdakı linkə keçid edə bilərsiniz:

https://plmo.cyber.az/2024/