28-29 noyabr 2025-ci il tarixində, Xəzər Universitetində IV Beynəlxalq "Vahid Sağlamlıq: Problemlər və Həllər" adlı konfrans keçiriləcəkdir.

Builki konfrans, Xəzər Universitetinin fəal üzvü olduğu Planet Sağlamlıq Alyansının yaranmasının 10-cu ildönümünə, əsas mövzusu isə "Planet Sağlamlıq Sistemlərinin Dəyişikliyi üçün Yerli və Regional Sistemlərin Transformasiyası"-na həsr edilmişdir.

Konfransın əsas məqsədi insan, heyvan və bitki daxil olmaqla qida və ətraf mühitin ən yaxşı səviyyədə sağlamlığına nail olmaq üçün yerli Vahid Sağlamlıq tədbirləri, xəstəliklərin idarə edilməsi və qarşısının alınması strategiyaları, Azərbaycanda Vahid Sağlamlıq potensialının gücləndirilməsi və inkişafı üzrə təqdimatlar və müzakirələr etmək, gənc tədqiqatçılar və mütəxəssislər arasında regional və qlobal səviyyədə gələcək əməkdaşlığı inkişaf etdirmək üçün yeni əlaqələrin qurulmasını təşviq etməkdir.